منتدى للصور الفوتو غرافية و الاشعار
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 رسائل للاصدقاء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


المساهمات : 37
تاريخ التسجيل : 09/01/2012

مُساهمةموضوع: رسائل للاصدقاء   الجمعة فبراير 03, 2012 12:04 am

رسائل للاصدقاء



يحميك ربي من متاهات الاقدار

يا بهجة الدنيا ونجمة سماها

بينك وبين العمر لو كنت باختار

ارخصت نفسٍ لك عطت ما وراها


رسائل للاصدقاء


ثلاث لايعيب البكاء عليها


وداع صديق
.
.
.
وقصة حب
.
.
.

وبعدك عني


رسائل للاصدقاء


أنت الصديق اللي صفا لي وداده ... وانت العزيز اللي له القلب يرتاح

رسائل للاصدقاء


صديقنا الصادق بروحي فديته
وعدونا يخذل ويقهر وينظام
وللاش ولد اللاش لامن لقيته
مع كلاب الضير نرمي له عظام
وأنا معك بمشي بدرب مشيته
سوا سوا لاقلت قدام قدام

رسائل للاصدقاء


عرفت بحياتي لوعت الوقت والحرمان
وعرفت العذاب وتعبت أميز ألوانه
وجلست أذكر الماضي على قول كان وكان
غرام حفظته ياعسى صاحبي صانه
تراك بحياتي نابض القلب والشريان
ودونك حياتي ياهوى البال خسرانه

رسائل للاصدقاء


انت مثل الذهب
مهما علا فوقه غبار
يبقى مدى الايام سلعة ثمينة
ومثل المطر مهما المطر هل مدرار
لو غاب عام صاحوا الناس وينه
ومثل البحر غلطان من قال غدار
وموجه يعالج كل عبره حزينة


رسائل للاصدقاء

مانساك لو ينسى الكحل سود الاهداب .... وشلون تنسى العين صافي نظرها


رسائل للاصدقاء


تدري خطانا بالحياه...!
أنا زرعنا أحلامنا فوق السحاب
وقلنا متى نصبح شباب ,
ونقطف ورودأحلامنا ولأمنيات
ولما كبرنا وجينا نسأل حلمنا,
تدري وش لقينا.....؟
لقيناأجمل حلم مات..
وبعده درينا..
إن أجمل شي فينا.."الذكريات"


رسائل للاصدقاء

كان ودك ماتزيد الصدر ضيقه
لاتسمع للدعاوي والشكاوي
وش يهمك وش صديق من صديقه
مامشالك بالمحاسن والمساوي
رافق اللي فاهم واجب رفيقه
لانخيته جاوبك راعي نخاوي

رسائل للاصدقاء


قدرك كبير وصحبتك ترفع الراس ... فوق الغلا تملك وسام الصداقه

رسائل للاصدقاء


صديقتي كل السهام الي طعنتني باليه
إلا اسهامك ناظريها نار في صدري تقيد
صديقتي رغم الالم تبقي الصداقه (غاليه)
ومن يمسح ادموعي انا ماتدمع اعيونه اكيد
روح الصداقه معطره باحلا المعاني الساميه
وماحس بك غير الصديق لو كان ابعد من بعيد
يوم اشتكيتي دنيتك شفتي اعروقي داميه
ويوم بكيتي دمعتك كم ذاب في صدري جليد


رسائل للاصدقاء

كلن يقول ان الوفا صعب نلقاه .... وانا اقول ان الوفا فيك مخلوق


رسائل اصدقاء جديدة

المعزه تراها داخلي مزمنه
واللي اعزه اشوفه في عيوني ملاك
وان سال عن وداده صاحبي طمنه
قول له من يعزك ابد مانــــــــــساك

رفاق الدرب مازلتم
بعمق القلب احبابا
وان غبتم وان غبنا
فان الحب ماغابا..

اعزك كثر مامرة اللايام بيني وبينك
واذا ماشفتك بعيني..غلا قلبي..نطق وينك؟

اعاهدك باللي خلقني وسواك!
ويعاهدك قلب اذا غبت صانك!
والله ما ارخصك ولا افكر انساك!
ومفقود قلبي لو انه بيوم هانك!
لاضاق صدرك..وازعجك جور دنياك!
ارجووووووك اعتبرنــــــــــي..
~اعز~واغلى~واوفى~
من عرفت بزمـــــانك..

خذ عمري على عمرك..وعيش به دنياك..
خذ روحي تحت امرك..وخذ قلبي ترى يفداك..


في غيابك لف دنياي السكون..
وفي وجودك تضحك احزاني وتهون..


اذا قصرت معاك بشئ..اوجرحتكوجاك
بيوم جفا مني!!ابيك تخفف عني اللوم..
واذا اخطيت سامحني وتذكر ان مصيري يوم
>كفن< ابيض يغطيني>وقبر<صغير يحويني<
>ودمعه< ابيها من عيونك..تودعني..وتبكيني
وتدعيلي..


ادري قليل الوصل مني خطيه..
لكن زماني مجبور اني اراضيه..
انا اشهد صورتك بالقلب حيه..
وانا رفيقك اللي ما تغيرت مباديه..

يا مرحبا بالناس ترحيب بالناس الاخيار
عن حالكم قلبي يطرش سؤاله.
لولا ظروف الوقت..والبعد في الدار..
ماتشفي المشتاق فيكم رساله..
بس الرساله مثل ماقيل تذكار
ولا غلاكم ماوفت به رساله..


انا ماغليك لجل الخاليق تغليك..
بس انا اغليك..
لجل الغلا لايق عليك..


شو اهديك..؟
ح(ب)ي
ع(ي)وني
قل(ب)ي
اح(س)اسي
ح(ي)اتي
او مابين الاقواس؟؟<<خخخ

لاتظناني نسيتك
او تركتك او
جفيتك
انا
والرحمن
يدري
من عرفتك
مانسيتك..


ان نفترق فقلوبنا سيضمها بيت
على سحب الاخاء كبير
واذا المشاغل كممت افواهنا فسكوتنا بين
القلوب سفير..
بالود نختصر المسافه بيننا
فالدرب بين الخافقين قصير
والبعدحين نحب..لا معنى له..
والكون حين نحب..فهو صغير..

مسجات صداقة


********************
ابيك تعرف ان لك صاحب بكل مافيه
يغليك .....
بكل ماعطاه ربي من احاسيس
يحتويك .....
روحه حياته حتى جروحه
تفتديك....
لاتظن انه في يوم يقدر
ينتسيك .....
يبيك تذكره لاصارت الليالي
تجتفيك .....
وتدعيله:
" عسى الله له يخليك "

***************************

فديت وقتن حط في دربي رفيق
واحدن يضحك معي واضحك معه
واحدن لا صار وسط القلب ضيق
بالسوالف والمزايح وسعه
وان حكى باسلوبه العذب الرقيق
يسرق من الجوف قلبن يسمعه

**************************
انا صديقك لا قسى الوقت واكفيك
ولاني من اللي وقت المصالح يجونك
اعزك يا صاحبي بكل مافيك
ومن كثر مااعزك صرت اعز اللي يعزونك
افتخر لاقالوا اني مخاويك
يامنبع الطيب قلبك والصفا في عيونك

*****************************
قلبي اصيل وماضي الحب ماانساه
والصاحب الغالي تشيله عيوني
اشتاق له واشفق لصوته وطرياه
واقول هو دنياي وشموع كوني
رفيق دربي ماتناسيت ذكراه
لو العرب في رفقته يعذلوني

*************************
تعبت ادور بين الاجواد صاحب
وعندي مفاهيم الصداقة عظيمة
وادري الصديق بكل الاحوال ساحب
واحذر صديق السوء حكمة قديمة
احب راعي الطيب والجود والواجب
ناس مثلك تحشم وتستحق الحشيمة

****************************

من نسى في زحمة الدنيا رفيقة
قلت له عندي رفيق مانساني
لو يطول الوقت ويطول طريقه
ادري انه لو يطول البعد جاني
بيني وبينه على العشرة وثيقة
ان بديته بالغلا والا بداني
صرت عنده بالغلا حسبت شقيقه
هو بعد غالي ومن حسبت اخواني

****************************

جالس في وسطهم
قاعد ولاأسمع حكيهم
لاتحسب اني عندهم
انا معك بس جنبهم
متحمسين بحكيهم
ماغير أشوف عيونهم
وأتخيلك وسطهم
سألني واحد بينهم
وش رايك بكلامهم
احرجني والله قدامهم!!
قلت الـــعفو ياقلبهم
ناقص رفيع الشان بينهم

*****************************

اشتقت لك يا صاحبي وين الاقيك؟
محتاج لك بالحيل ودي اشوفك..
اشتقت اسولف معك واسمع حكاويك
واللمه الحلوه وباقي مزوحك
ياصاحبي من كثر ما اطريك واغليك..
صرت اتحلم فيك واصحى واشوفك!

****************************** ***
شخص إلا منه مضى لي معه
يوم
أندم على ايام مضت قبل
ما القاه
احتاج له لا صار في صدري
هموم
ولو ينكسر ساقي تسندني
يمناه
جعل المعزة بيننا دايم
الدوم
هذا الرفيق اللي من الصعب
تنساه

****************************

والله ماأنسى صاحب مانساني
لو طالت الغيبه وضاعت نواحيه
يبقى معي مابين قلبي وعيني
والنفس من بد المخاليق تغليه
وأنشد عن أحواله بعاصف سنيني
وأرتاح لازانت وطابت لياليه

ليس الحب ان تبقى قريبا من من تحب انما الحب ان تثق انك فى قلب من تحب

قلت اتحمل غيابك يمكن الايام تمر بس لقيت من دون عيونك كل طعم الدنيا مر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mosheer.7olm.org
 
رسائل للاصدقاء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لمسات :: قسم الشعر :: اشعار الصــــــ،،ــــداقة-
انتقل الى: